14 Տարեկան Եգիպտացի Աղջիկ Մը Արեւանգուած Է Ու Բռնի Ոյժով Իսլամացած`։
Եգիպտոսի մանուկներու իրաւունքը պաշտպանող ընկերակցութիւնը դատ բացած է հանրապետութեան
ատեանին առջեւ պահանջելով 14 տարեկան ղպտի աղջկայ մը տուն վերադարձը։ Ան բռնի ոյժով արեւանգուած
է ու ստիպուած է իսլամանալ ու մահմետականի մը հետ ամուսնանալ ։ Եգիպտոսի մանուկներու
իրաւունքը պաշտպանող ընկերակցութիւնը զգուշացուցած է այս քստմնելի արարքին հետեւանքներէն
որ դաւանական միջբախումներու պատճառ կրնայ դառնալ։Ընկերակցութիւնը նաեւ յիշեցուցած է
որ անչափահասին պարտադիր ամուսնութիւնը հակառակ է երկրի օրէնսդրութեան ու կը նկատուի
որպէս սեռային շահագործում։